ಬ್ಯೂನಸ್: ಸುಮಾರು 140 ದಶಲಕ್ಷ ವರ್ಷಗಳಷ್ಟು ಹಳೆಯದಾದ ಡೈನೋಸರ್ ನ ಪಳೆಯುಳಿಕೆ ಅರ್ಜೆಂಟೀನಾದಲ್ಲಿ ಪತ್ತೆಯಾಗಿದ್ದು, ಇದು ಇಲ್ಲಿಯವರೆಗೆ ದೊರಕಿದ ಡೈನೋಸರ್ ಗಳ ಪಳೆಯುಳಿಕೆಯಲ್ಲಿಯೇ ಅತೀ ದೊಡ್ಡ ಡೈನೋಸರ್ ಎಂದು ತಿಳಿದು ಬಂದಿದೆ.

ಪ್ಯಾಟಗೋನಿಯಾ ಕಾಡಿನ ಸಂಶೋಧಕರು ಈ ಅತೀ ದೊಡ್ಡ ಡೈನೋಸರ್ ನ್ನು ಪತ್ತೆ ಹಚ್ಚಿದ್ದಾರೆ. ಅರ್ಜೆಂಟೀನಾದ ನ್ಯೂಕ್ವಿನ್ ಪಟ್ಟಣದ ದಕ್ಷಿಣದಲ್ಲಿ ಸಂಶೋಧನೆ ನಡೆಸುತ್ತಿರುವ ಸಂಶೋಧಕರಿಗೆ ಈ ಡೈನೋಸರ್ ಅವಶೇಷಗಳು ದೊರಕಿವೆ.

ಭೂಮಿಯ ಅತೀ ದೊಡ್ಡ ಜೀವರಾಶಿಗಳಲ್ಲಿಯೇ ಅತೀ ದೊಡ್ಡ ಜೀವಿಗಳು ಎಂದು ಗುರುತಿಸಲ್ಪಡುವ  ನಿಂಜಾಟಿಯನ್ ಡೈನೋಸಾರ್‌ ನ ಪಳೆಯುಳಿಕೆ ಇದೀಗ ಪತ್ತೆಯಾಗಿರುವ ಪಳೆಯುಳಿಕೆಯಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ.

Provided by

ಸುಮಾರು 140 ದಶಲಕ್ಷ ವರ್ಷಗಳಷ್ಟು ಹಿಂದೆ ಈ ಜೀವಿಗಳು ಭೂಮಿಯಲ್ಲಿ ವಾಸಿಸುತ್ತಿದ್ದವು. ಈ ಡೈನೋಸರ್ ಗಳು ಮರಗಳನ್ನು ತಿಂದು ಜೀವಿಸುತ್ತಿದ್ದವು. ಉದ್ದವಾದ ಕುತ್ತಿಗೆಯನ್ನು ಹೊಂದಿದ್ದ ಈ ಡೈನೋಸರ್ ಗಳು ಬೃಹತ್ ಮರಗಳನ್ನು ತಿಂದು ಜೀವಿಸುತ್ತಿದ್ದವು ಎಂದು ಸಂಶೋಧಕರು ಪತ್ತೆ ಮಾಡಿದ್ದಾರೆ.