ಮಡಿಕೇರಿ:   ಒಂಟಿ ಮನೆಯಲ್ಲಿ ವಾಸಿಸುತ್ತಿದ್ದ ಮಹಳೆಯನ್ನು  ಹತ್ಯೆ ಮಾಡಿ ಮನೆ ದರೋಡೆ ಮಾಡಿದ ಘಟನೆ ಕೊಡಗು ಜಿಲ್ಲೆಯ ಮಡಿಕೇರಿ ತಾಲೂಕಿನ ಕೆ.ನಿಡುಗಣೆಯಲ್ಲಿ ನಡೆದಿದೆ.

ತೋಟದೊಳಗಡೆ ಇರುವ ಮನೆಯಲ್ಲಿ ಲಲಿತಾ ಅವರು ಒಬ್ಬಂಟಿಯಾಗಿ ವಾಸಿಸುತ್ತಿದ್ದರು.  ಮಾಹಿತಿ ತಿಳಿದ ಯಾರೋ ಈ ಕೃತ್ಯವನ್ನು ಎಸಗಿದ್ದಾರೆ ಎಂದು ಹೇಳಲಾಗಿದೆ.

ಕಾಫಿ ತೋಟದಲ್ಲಿ ಉತ್ತಮ ಬೆಳೆ ಬಂದಿದ್ದರಿಂದ 50 ಸಾವಿರ ರೂಪಾಯಿಗಳನ್ನು ಲಲಿತಾ ಅವರ ಮಗ ಮನೆಯಲ್ಲಿ ಇಟ್ಟಿದ್ದರು. ಲಲಿತಾ ಅವರ ಮಗ ಮೈಸೂರಿನಲ್ಲಿದ್ದರು.  ಆದರೆ, ಕಾಫಿಯಿಂದ ಇವರಿಗೆ ಹಣ ಬಂದಿದೆ ಎಂದು ತಿಳಿದ ಯಾರೋ ಈ ಕೃತ್ಯ ಎಸಗಿದ್ದಾರೆ ಎಂದು ಅನುಮಾನ ವ್ಯಕ್ತವಾಗಿದೆ.

ತಮ್ಮ ತೋಟದಲ್ಲಿ ಕೆಲಸ ಮಾಡಿದ ಬಳಿಕ ಸಂಜೆ ಲಲಿತಾ ಅವರು, ಸ್ನಾನದ ಮನೆಗೆ ನೀರು ಬಿಸಿ ಮಾಡಲು ಹೋಗಿದ್ದಾರೆ. ಈ ವೇಳೆ ದುಷ್ಕರ್ಮಿಗಳು ಇವರ ಮೇಲೆ ದಾಳಿ ನಡೆಸಿ ಹತ್ಯೆ ನಡೆಸಿದ್ದು, ಬಳಿಕ ದರೋಡೆ  ನಡೆಸಿದ್ದಾರೆ ಎಂದು ತಿಳಿದು ಬಂದಿದೆ.