ವಾಷಿಂಗ್ ಮೆಷಿನ್ ಬಳಸುವಾಗ ಅಪ್ಪಿ ತಪ್ಪಿಯೂ ಈ ತಪ್ಪುಗಳನ್ನು ಮಾಡಬೇಡಿ!
ವಾಷಿಂಗ್ ಮೆಷಿನ್ ಬಳಸುವುದು ಕಷ್ಟದ ಕೆಲಸವಲ್ಲವಾದರೂ ಕೆಲವೊಂದು ಬಾರಿ ನೀವು ಮಾಡುವ ಈ ಸಣ್ಣ ತಪ್ಪುಗಳು ವಾಷಿಂಗ್ ಮೆಷಿನ್(Washing machine) ಅನ್ನು ಬೇಗನೇ ಹಾನಿ ಮಾಡಬಹುದು. ವಾಷಿಂಗ್ ಮೆಷಿನ್ ಬಳಸುವಾಗಿ ಯಾವೆಲ್ಲ ತಪ್ಪುಗಳನ್ನು ಮಾಡಬಾರದು ಅಂತ ತಿಳಿದುಕೊಳ್ಳೋಣ…
* ಒಂದೇ ಬಾರಿಗೆ ಹಲವಾರು ಬಟ್ಟೆಗಳನ್ನು ಹಾಕುವುದು
ಕೆಲವರು ವಿದ್ಯುತ್ ಮತ್ತು ನೀರು ಉಳಿತಾಯ ಮಾಡಲು ವಾರದಲ್ಲಿ ಒಂದೇ ದಿನ ಬಟ್ಟ ಒಗೆಯುತ್ತಾರೆ. ಹೀಗಾಗಿ ಒಂದು ವಾರದ ಎಲ್ಲಾ ಬಟ್ಟೆಗಳನ್ನು ಒಟ್ಟಿಗೆ ವಾಷಿಂಗ್ ಮೆಷಿನ್ ಗೆ ತುಂಬುತ್ತಾರೆ. ಒಂದೇ ಬಾರಿಗೆ ಹಲವಾರು ಬಟ್ಟೆಗಳನ್ನು ಸೇರಿಸುವುದರಿಂದ ಯಂತ್ರವು ಓವರ್‌ಲೋಡ್ ಆಗುತ್ತದೆ. ಇದರಿಂದ ಮೋಟಾರು ಹಾನಿಯಾಗುತ್ತದೆ. ಬಟ್ಟೆಗಳನ್ನು ತುಂಬಾ ಇದ್ದಾಗ, ಅವುಗಳನ್ನು ಒಂದೇ ಬಾರಿಗೆ ತೊಳೆಯುವ ಬದಲು ಎರಡು ಅಥವಾ ಮೂರು ಬಾರಿ ವಾಷಿಂಗ್ ಮೆಷಿನ್ ನಲ್ಲಿ ಇರಿಸಿ. ಇದರಿಂದ ಮೆಷಿನ್ ಗೆ ಹಾನಿಯಾಗುವುದು ತಪ್ಪುತ್ತದೆ.
* ಸರಿಯಾದ ಸ್ಥಳದಲ್ಲಿ ಇಡಿ
ವಾಷಿಂಗ್ ಮೆಷಿನ್ ನಲ್ಲಿ ಬಟ್ಟೆಗಳನ್ನು ಒಗೆಯುವಾಗ, ಯಾವಾಗಲೂ ಮೆಷಿನ್ ಅನ್ನು ಸಮತಟ್ಟಾದ ಮೇಲ್ಮೈಯಲ್ಲಿ ಇರಿಸಿ. ಅನೇಕ ಬಾರಿ ಜನರು ಅದನ್ನು ಅಸಮ ಮೇಲ್ಮೈಯಲ್ಲಿ ಇರಿಸುತ್ತಾರೆ. ಅಂದರೆ ಇಳಿಜಾರಿನ ಮೇಲ್ಮೈ ಅದನ್ನು ತ್ವರಿತವಾಗಿ ಹಾನಿಗೊಳಿಸುತ್ತದೆ.
ಮೆಷಿನ್ ಅನ್ನು ಮೇಲೆ ಕೆಳಗೆ ಹಾಕಿದರೆ ಮೆಷಿನ್ ಮೇಲೆ ಹೆಚ್ಚಿನ ಒತ್ತಡ ಬೀಳುತ್ತದೆ. ಅಲ್ಲದೆ ಯಂತ್ರದ ಆಕಾರಕ್ಕೆ ಹಾನಿಯಾಗುವ ಅಪಾಯವಿದೆ. ಅಷ್ಟೇ ಅಲ್ಲದೆ, ಕೆಲವರಿಗೆ ಒದ್ದೆ ಬಟ್ಟೆಯನ್ನು ಮೆಷಿನ್‌ನಲ್ಲಿ ಒಗೆದ ನಂತರ ಮೆಷಿನ್‌ನಲ್ಲಿ ದೀರ್ಘಕಾಲ ಇಡುವ ಅಭ್ಯಾಸವಿದೆ. ಕೆಲವೊಮ್ಮೆ ಮರೆತು ಅದರಲ್ಲೇ ಇಡಬಹುದು. ಅಥವಾ ರಾತ್ರಿ ವಾಷಿಂಗ್ ಮೆಷಿನ್ ಹಾಕಿ ಬೆಳಗ್ಗೆವರೆಗೂ ಹಾಗೆಯೇ ಇರಬಹುದು. ಇದು ಸಹ ವಾಷಿಂಗ್ ಮೆಷಿನ್ ಅನ್ನು ಸಹ ಹಾನಿಗೊಳಿಸುತ್ತದೆ.
* ಹೆಚ್ಚು ಡಿಟರ್ಜೆಂಟ್ ಗಳನ್ನು ಬಳಸಬೇಡಿ:
ವಾಷಿಂಗ್ ಮೆಷಿನ್ ನಲ್ಲಿ ಬಟ್ಟೆ ಒಗೆಯುವಾಗ ಒಂದೇ ಬಾರಿಗೆ ಹೆಚ್ಚು ಡಿಟರ್ಜೆಂಟ್‍ಗಳನ್ನು ಬಳಸಬೇಡಿ. ವಾಸ್ತವವಾಗಿ, ಹೆಚ್ಚಿನ ವಾಷಿಂಗ್ ಮೆಷಿನ್ ಸ್ವಲ್ಪಮಟ್ಟಿಗೆ ನೀರು ಮತ್ತು ಶಕ್ತಿಯ ದಕ್ಷತೆಯನ್ನು ಹೊಂದಿವೆ. ಹೆಚ್ಚು ಡಿಟರ್ಜೆಂಟ್ ಅನ್ನು ಸೇರಿಸಿದಾಗ, ಸಂಪೂರ್ಣ ಡಿಟರ್ಜೆಂಟ್ ಅನ್ನು ಅದರಲ್ಲಿ ಬಿಡುಗಡೆ ಮಾಡಿದ ನೀರಿನಿಂದ ಸ್ವಚ್ಛಗೊಳಿಸಲಾಗುವುದಿಲ್ಲ, ಅದು ಯಂತ್ರದಲ್ಲಿಯೇ ಹೆಪ್ಪುಗಟ್ಟುತ್ತದೆ. ಇದು ಕ್ರಮೇಣ ವಾಷಿಂಗ್ ಮೆಷಿನ್ ಮೋಟಾರ್ ಜಾಮ್‌ ಗೆ ಕಾರಣವಾಗುತ್ತದೆ. ಅದನ್ನು ಸರಿಪಡಿಸಲು ನೀವು ಸಾಕಷ್ಟು ಹಣವನ್ನು ಖರ್ಚು ಮಾಡಬೇಕಾಗುತ್ತದೆ.
* ಪರಿಶೀಲಿಸಿ ಬಟ್ಟೆಗಳನ್ನು ಹಾಕಿ
ಯಾವುದೇ ವಸ್ತುಗಳನ್ನು ಪರಿಶೀಲಿಸದೆ ಬಟ್ಟೆಗಳನ್ನು ವಾಷಿಂಗ್ ಮೆಷಿನ್ ಗಳಲ್ಲಿ ಹಾಕುತ್ತಾರೆ. ನಾಣ್ಯಗಳು, ಪಿನ್‌ ಗಳು, ಟೂತ್‌ ಪಿಕ್‌ ಗಳಂತಹ ವಸ್ತುಗಳು ಪ್ಯಾಂಟ್‌ ನಲ್ಲಿ ಉಳಿಯುತ್ತವೆ. ಇದರಿಂದ ವಾಷಿಂಗ್ ಮೆಷಿನ್ ನ ಆಂತರಿಕ ಭಾಗಗಳನ್ನು ಹಾನಿಗೊಳಿಸಬಹುದು. ಹೀಗಾಗಿ ವಾಷಿಂಗ್ ಮೆಷಿನ್ ನಲ್ಲಿ ಬಟ್ಟೆ ಹಾಕುವ ಮುನ್ನ ಪಾಕೆಟ್ಸ್ ಚೆಕ್ ಮಾಡಿಕೊಳ್ಳಿ.
ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 9686399493ನಂಬರ್ ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ:
