ಆಟಿದ ಅರ್ಸ… | ಬರವು: ಸತೀಶ್ ಕಕ್ಕೆಪದವು
![ati](https://www.mahanayaka.in/wp-content/uploads/2024/07/ati.jpg)
ವೊರ್ಸ ವೊರ್ಸಲ ಬರ್ಸ ಕೊನಪಿನ ಅರ್ಸ ತೂಲೆಗೆ ತುಳುವೆರೆ……
ನುಪ್ಪು ನೀರ್ ನಿಲ ದೊಂಬು ಗಾಳಿ ಫಲ ಪಟ್ಟ್ ತಿನ್ಪಿನ ತುಳುವೆರೆ……
ಅರ್ಸ ತೂಲೆಗೆ ತುಳುವೆರೆ…..
ಅರ್ಸ ತೂಲೆಗೆ ತುಳುವೆರೆ…..
ತಿಂಗೊಲಾಟಿಡ್ ಆಟ ಕೂಟೊಲು ತೆಂಬರೆ ಸೊರ ಡೆನಡೆನ…….
ಜಾಲ ಮುಂದಿಲ್ ಆಟಿ ಕಲೆಂಜೆನೆ ಮಾರಿ ದೇರುವೆ ಮನಮನ…… ಚೇವು ಪದ್ಪೆದ ತೆಜಂಕ್ ಕಜಿಪುದ ತಮ್ಮನೊದ ಕುಸಿ ದಿನದಿನ….. ಆಟಿ ಪೆಲಕಾಯಿ ಪಚ್ಚಿರ್ ಸಾಂತನಿ ನಿರೆದ್ ಪತ್ತೆರ್ ತಿನ್ಪಿನ …… ಅರ್ಸ ತೂಲೆಗೆ ತುಳುವೆರೆ….. ಅರ್ಸ ತೂಲೆಗೆ ತುಳುವೆರೆ…….. !!೧!!
ತಿಂಗೊಲಾಟಿಡ್ ಆಟಿ ಅಮಾಸೆ ಪಾಲೆ ಮರ್ದ್ ದ ಪರ್ಬೊನೆ…… ಆಟಿ ಕುಲ್ದಿನ ಅಪ್ಪೆ ಇಲ್ಲಡ್ ಸುದ್ದಿ ಸುಲೇಕೊಲೆ ಗೌಜಿಯೆ……
ಅಡ್ಯೆ ಪತ್ರೊಡೆ ಅರೆಪು ಕೂಟುದು ಪಟ್ಟ್ ತಿನ್ಪಿನ ಪರತಿರಿ…….. ಏದ ಬೇದೊನು ದೂರ ಮಲ್ಪಿನ ಮಲ್ಲತಿಗೆದ ಮಾನಿಲೆ…… ಅರ್ಸ ತೂಲೆಗೆ ತುಳುವೆರೆ…… ಅರ್ಸ ತೂಲೆಗೆ ತುಳುವೆರೆ…..
!!೨!!
ಬೆಂದ್ ತಿನ್ಪಿನ ಬೇರ ಮಲ್ಪಿನ ನಂಬಿನಿಲೆ ಜನಮಾನಿಲೊಂಜೆ……
ಅಂದ್ ಮಲ್ತ್ ದ್ ಬಾಳ್ ಕಲೆಪುನ ತುಳುವ ಮನಸ್ ಪೆರ್ಮೆದ……. ಕತ್ತಿ ಕಡ್ತಲೆ ಕೋಲು ದಕ್ಕ್ ಗ ಹಕ್ಕ್ ನೊರಿಪುಗ ತುಳುವೆರೆ……. ಪರ್ಬ ಪುದ್ದರ ದೂರುದುರುಟು ಕನ್ನು ಕನ್ನುಲು ಸೇರುನ…… ಅರ್ಸ ತೂಲೆಗೆ ತುಳುವೆರೆ……..
ಅರ್ಸ ತೂಲೆಗೆ ತುಳುವೆರೆ………..!!೩!!
✍🏻 ಬರವು: ಸತೀಶ್ ಕಕ್ಕೆಪದವು
ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8088059494 ನಂಬರ್ ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ: