ಪಾಟ್ನಾ: ವ್ಯಕ್ತಿಯೋರ್ವನ ದವಡೆಯಲ್ಲಿ ಬರೋಬ್ಬರಿ 82 ಹಲ್ಲುಗಗಳಿದ್ದು, ಇದು ವೈದ್ಯಲೋಕಕ್ಕೆ ಒಂದು ಸವಾಲಾಗಿತ್ತು. ಇದೀಗ ಈ ಅನಗತ್ಯ ಹಲ್ಲುಗಳನ್ನು ಶಸ್ತ್ರಚಿಕಿತ್ಸೆಯ ಮೂಲಕ ವೈದ್ಯರು ಹೊರ ತೆಗೆದಿದ್ದಾರೆ.

ಒಬ್ಬ ವ್ಯಕ್ತಿಗೆ ಸಾಮಾನ್ಯವಾಗಿ 32 ಹಲ್ಲುಗಳಿರುತ್ತವೆ. ಅಪ್ಪಿತಪ್ಪಿ ಕೆಲವರಲ್ಲಿ  ಅದಕ್ಕೂ ಅಧಿಕವಾಗಿ ಹಲ್ಲಿದ್ದರೆ 35ರಷ್ಟು ಇರಬಹುದು. ಆದರೆ, ಬಿಹಾರದ ಈ 17 ವರ್ಷ ವಯಸ್ಸಿನ ಯುವಕ ನಿತೀಶ್ ಕುಮಾರ್ ನ  ದವಡೆಯಲ್ಲಿ 82 ಹಲ್ಲುಗಳಿದ್ದವು.

ನಿತೀಶ್  5 ವರ್ಷಗಳಿಂದ ದವಡೆಯ ಗೆಡ್ಡೆಯಾದ ಒಡೊಂಟೊಮಾದಿಂದ ಬಳಲುತ್ತಿದ್ದರು. ಸರಾಸರಿ ವಯಸ್ಕನ ಹಲ್ಲುಗಳಿಗಿಂತ 50 ಹಲ್ಲುಗಳು ಹೆಚ್ಚು ಅಂದ್ರೆ ಒಟ್ಟು 82 ಹಲ್ಲುಗಳನ್ನು ಹೊಂದಿರಿಂದ ಅವರ ಮುಖ ಕೂಡ ವಿರೂಪವಾಗಿ ಕಾಣಿಸುತ್ತಿತ್ತು.

ನಿತೀಶ್ ಕೆಲವು ವರ್ಷಗಳಿಂದ ಸರಿಯಾಗಿ ಚಿಕಿತ್ಸೆ ಕೂಡ ಪಡೆಯದೇ ಇದ್ದುದರಿಂದ ಈ ಸಮಸ್ಯೆ ಉಲ್ಬಣಗೊಂಡಿತ್ತು. ಡವಡೆಯ ಕೆಳಗೆ ಹಲ್ಲುಗಳು ಉಂಡೆಯಂತಾಗಿರುವುದು ಮೇಲ್ನೋಟಕ್ಕೆ ಕಂಡು ಬಂದಿತ್ತು. ಸ್ಕ್ಯಾನಿಂಗ್ ಮಾಡಿ ನೋಡಿದಾಗ 82 ಹಲ್ಲುಗಳಿರುವುದು ಪತ್ತೆಯಾಗಿತ್ತು.

ಇದೀಗ ಯುವಕನಿಗೆ ಡಾ. ಪ್ರಿಯಾಂಕರ್ ಸಿಂಗ್ ಹಾಗೂ ಡಾ.ಜಾವೇದ್ ಇಕ್ಬಾಲ್ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ನಡೆಸಿದ್ದಾರೆ. ಈ ವಿಚಿತ್ರ ಕೇಸ್ ವೈದ್ಯರಿಗೆ ಒಂದು ಸವಾಲು ಕೂಡ ಆಗಿತ್ತು.

ಇನ್ನಷ್ಟು ಸುದ್ದಿಗಳು:

ಕಾಫಿ ಪ್ರಿಯರಿಗೆ ಸಿಹಿ ಸುದ್ದಿ: ಕಾಫಿ ಕುಡಿಯುವುದರಿಂದಾಗುವ ಪ್ರಯೋಜನಗಳೇನು?

ಬ್ಯಾಂಕ್ ಗ್ರಾಹಕರೇ ಎಚ್ಚರ! | ಸ್ವಲ್ಪ ಯಾಮಾರಿದರೂ ನಿಮ್ಮ ಹಣ ಕಂಡವರ ಪಾಲಾಗಬಹುದು!

“ಬೀಸ್ಟ್” ಇಳೆಯದಳಪತಿ ವಿಜಯ್ ಅವರ 65ನೇ ಚಿತ್ರದ ಫಸ್ಟ್ ಲುಕ್ ಬಿಡುಗಡೆ

ಕೊರೊನಾ ಮುಕ್ತ ಗ್ರಾಮ ಸ್ಪರ್ಧೆ | ವಿಜೇತ ಗ್ರಾಮಗಳಿಗೆ 50 ಲಕ್ಷ ರೂ. ಬಹುಮಾನ!