ಇಬ್ಬರು ಮಾವುತರಿಂದ ಆನೆಯ ಮೇಲೆ ಅಮಾನವೀಯ ಕೃತ್ಯ
23/02/2021
ಚೆನ್ನೈ: ಆನೆ ಶಿಬಿರವೊಂದರಲ್ಲಿ ಆನೆಯನ್ನು ಕಟ್ಟಿ ಹಾಕಿ ಇಬ್ಬರು ಮಾವುತರು ಅಮಾನವೀಯವಾಗಿ ಥಳಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಶುಭಂ ಜೈನ್ ಎಂಬವರು ಈ ಘಟನೆಯ ವಿಡಿಯೋವನ್ನು ಟ್ವೀಟ್ ಮಾಡಿದ್ದು, ಈ ಘಟನೆ ತಮಿಳುನಾಡಿನ ತೆಕ್ಕಂಪಟ್ಟಿಯ ಆನೆ ಶಿಬಿರದಲ್ಲಿ ನಡೆದಿದೆ ಎಂದು ಅವರು ಹೇಳಿದ್ದಾರೆ.
ಇಬ್ಬರು ಮಾವುತರು ದೊಣ್ಣೆ ಅಥವಾ ರಾಡ್ ನಿಂದ ಆನೆಯನ್ನು ಮನಬಂದಂತೆ ಥಳಿಸಿದ್ದಾರೆ. ಆನೆ ನೋವಿನಿಂದ ಬೊಬ್ಬಿಟ್ಟರೂ ಅಮಾನವೀಯವಾಗಿ ಥಳಿಸಿದ್ದಾರೆ.
ಈ ಘಟನೆ ಅಮಾನವೀಯವಾಗಿದ್ದು, ತಕ್ಷಣವೇ ಈ ಕೃತ್ಯ ಎಸಗಿದವರನ್ನು ಬಂಧಿಸುವಂತೆ ಶುಭಂ ಜೈನ್ ಟ್ವೀಟ್ ಮಾಡಿದ್ದಾರೆ.
