ಜಲಾನಯನ ಪ್ರದೇಶಗಳಲ್ಲಿ ಅಸಮರ್ಪಕ ಮಳೆಯಿಂದಾಗಿ ಮುಂಬೈಗೆ ನೀರು ಪೂರೈಸುವ ಸರೋವರಗಳ ನೀರಿನ ಮಟ್ಟವು ಕುಸಿಯುತ್ತಿದೆ. ಹೀಗಾಗಿ ಜುಲೈ 1 ರಿಂದ ಶೇಕಡಾ 10 ರಷ್ಟು ನೀರಿನ ಕಡಿತವನ್ನು ವಿಧಿಸಲು ಮುಂಬೈ ನಗರ ನಾಗರಿಕ ಸಂಸ್ಥೆ ನಿರ್ಧರಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಬ್ರಿಹನ್ ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್ (ಬಿಎಂಸಿ) ಆಯುಕ್ತ ಇಕ್ಬಾಲ್ ಸಿಂಗ್ ಚಾಹಲ್ ಈ ಕುರಿತು ಮಾತನಾಡುತ್ತಾ, ನೀರನ್ನು ಉಳಿಸಲು ಹಾಗೂ ನೀರನ್ನು ನ್ಯಾಯಯುತವಾಗಿ ಬಳಸಲು ನಾಗರಿಕರಿಗೆ ಮನವಿ ಮಾಡಿದ್ದಾರೆ.

ಅಲ್ಲದೇ ಜುಲೈ 1 ರಿಂದ ಮುಂಬೈನಲ್ಲಿ ಶೇಕಡಾ 10 ರಷ್ಟು ನೀರಿನ ಕಡಿತವನ್ನು ಜಾರಿಗೆ ತರಲು ಬಿಎಂಸಿ ನಿರ್ಧರಿಸಿದೆ. ಯಾಕೆಂದರೆ ಮುಂಭೈ ನಗರಕ್ಕೆ ನೀರು ಪೂರೈಸುವ ಸರೋವರಗಳಲ್ಲಿ ನೀರಿನ ಸಂಗ್ರಹವು ಶೇಕಡಾ 7 ರಷ್ಟಿದೆ ಎಂದು ಚಾಹಲ್ ಪ್ರೆಸ್ ಟ್ರಸ್ಟ್ ಆಫ್ ಇಂಡಿಯಾಗೆ ತಿಳಿಸಿದ್ದಾರೆ.

ಮುಂಬೈ, ಥಾಣೆ ಮತ್ತು ನಾಸಿಕ್ ಜಿಲ್ಲೆಗಳಲ್ಲಿರುವ ಭಟ್ಸಾ, ಮೇಲಿನ ವೈತರ್ನಾ, ಮಧ್ಯ ವೈತರ್ನಾ, ತನ್ಸಾ, ಮೋದಕ್ ಸಾಗರ್, ವಿಹಾರ್ ಮತ್ತು ತುಳಸಿ ಎಂಬ ಏಳು ಜಲಾಶಯಗಳಿಂದ ಮುಂಬೈಗೆ 3,800 ಎಂಎಲ್ಡಿ (ದಿನಕ್ಕೆ ಮಿಲಿಯನ್ ಲೀಟರ್) ನೀರು ಬರುತ್ತದೆ.

ನಾಗರಿಕ ಸಂಸ್ಥೆಯ ವರದಿಯ ಪ್ರಕಾರ, ಇಂದು ಬೆಳಿಗ್ಗೆ 6 ಗಂಟೆಯ ವೇಳೆಗೆ ಏಳು ಸರೋವರಗಳಲ್ಲಿ ಶೇಕಡಾ 7.26 ರಷ್ಟು ಸಂಗ್ರಹವಿತ್ತು. 2022 ಮತ್ತು 2021 ರಲ್ಲಿ ಒಂದೇ ದಿನ, ಸರೋವರಗಳಲ್ಲಿ ಕ್ರಮವಾಗಿ ಶೇಕಡಾ 9.04 ಮತ್ತು ಶೇಕಡಾ 16.44 ರಷ್ಟು ನೀರಿನ ಸಂಗ್ರಹ ಇತ್ತು ಎಂದು ವರದಿ ತಿಳಿಸಿದೆ.

ಮಹಾನಾಯಕ ಮಾಧ್ಯಮದ ಸುದ್ದಿಗಳನ್ನು ಪಡೆಯಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ 8088059494 ನಂಬರ್ ಸೇರಿಸಿ. ನಿರಂತರ ಸುದ್ದಿಗಳನ್ನು ಪಡೆಯಿರಿ…

ವಾಟ್ಸಾಪ್ ಗ್ರೂಪ್ ಗೆ ಸೇರಿ: https://chat.whatsapp.com/DwpZfHgaZak34xk58taiWR

ಯೂಟ್ಯೂಬ್ ಚಾನೆಲ್ ಸಬ್ಸ್’ಕ್ರೈಬ್ ಮಾಡಿ: https://www.youtube.com/channel/UCTTKjhIcEgYKLMGVKaXU3-w

ಗೂಗಲ್ ನ್ಯೂಸ್ ನಲ್ಲಿ ಫಾಲೋ ಮಾಡಿ: https://news.google.com/publications/CAAqBwgKMICOwgswoqnZAw