ಬ್ರೂನೈ ದೇಶದಲ್ಲಿ ಪ್ರಧಾನಿ ಮೋದಿ: ಮುಸ್ಲಿಂ ರಾಜನ ಅರಮನೆಯಲ್ಲಿ ನಮೋಗೆ ಸ್ವಾಗತ ಹೇಗಿತ್ತು? ಅದ್ರ ರಹಸ್ಯವೇನು?
ಬ್ರೂನೈ ದೇಶಕ್ಕೆ ಪ್ರಧಾನಿ ನರೇಂದ್ರ ಮೋದಿಯವರು ಮೊನ್ನೆ ಮೊನ್ನೆ ಎರಡು ದಿನಗಳ ಭೇಟಿ ಕೊಟ್ಟದ್ದು ನಿಮಗೆ ಗೊತ್ತಿರಬಹುದು. ಅವರಿಗೆ ಅಲ್ಲಿನ ದೊರೆ ಹಸನುಲ್ ಬೋಲ್ಕಿಯ ಅವರ ಇಸ್ತಾನ್ ನೂರುಲ್ ಈಮಾನ್ ಅರಮನೆಯಲ್ಲಿ ಭವ್ಯ ಸ್ವಾಗತವನ್ನು ನೀಡಲಾಗಿತ್ತು. ಇದೀಗ ಆ ಅರಮನೆಯ ವೈಭವವನ್ನು ವಿವರಿಸುವ ಮಾಹಿತಿಗಳು ಬಿಡುಗಡೆಯಾಗಿವೆ.
ಇಸ್ಲಾಮಿಕ್ ಮತ್ತು ಮಲಯ ವಾಸ್ತು ಶಿಲ್ಪದಂತೆ ರಚಿಸಲಾಗಿರುವ ಈ ಅರಮನೆಯನ್ನು 21 52 782 ಚದರ ಮೀಟರ್ ನಲ್ಲಿ ಕಟ್ಟಲಾಗಿದೆ. ಬೆಳಕಿನ ಅರಮನೆ ಎಂದು ಕರೆಯಲ್ಪಡುವ ಈ ಅರಮನೆಯನ್ನು ನಿರ್ಮಿಸುವುದಕ್ಕೆ 10,000 ಕೋಟಿ ರೂಪಾಯಿ ಖರ್ಚಾಗಿದೆ ಎಂದು ವರದಿಯಾಗಿದೆ. 1984ರಲ್ಲಿ ಅರಮನೆಯ ಕೆಲಸ ಪೂರ್ತಿಯಾಗಿದೆ. ಇದರ ವಿನ್ಯಾಸವನ್ನು ಫಿಲಿಪಿನ್ಸ್ ನ ಲಿಯೋನಾರ್ಡೂ ಲೋಕ್ಸಿನ ಎಂಬವ ತಯಾರಿಸಿದ್ದಾನೆ.
1288 ಕೋಣೆಗಳು ಈ ಅರಮನೆಯಲ್ಲಿದ್ದು 257 ಬಾತ್ರೂಮ್ಗಳಿವೆ. ಚಿನ್ನ ಮತ್ತು ರತ್ನದಿಂದ ಮಾಡಲಾದ ಅಲಂಕಾರ, 1500 ಮಂದಿಗೆ ಒಂದೇ ಸಮಯದಲ್ಲಿ ನಮಾಜ್ ಮಾಡುವುದಕ್ಕೆ ಬೇಕಾದ ಮಸೀದಿ, 5000 ಮಂದಿಗೆ ಒಂದೇ ಸಮಯದಲ್ಲಿ ಭೋಜನ ಮಾಡುವ ಕೊಠಡಿ ಇತ್ಯಾದಿಗಳು ಈ ಅರಮನೆಯಲ್ಲಿವೆ. 38 ರೀತಿಯ ಮಾರ್ಬಲ್ಗಳನ್ನು ಈ ಅರಮನೆಗಾಗಿ ಉಪಯೋಗಿಸಲಾಗಿದೆ.
ರೋಲ್ಸ್ ರಾಯ್ಸ್, ಫೆರಾರಿ ಮುಂತಾದ ಅತ್ಯಾಧುನಿಕ ಕಾರುಗಳ ಸಂಗ್ರಹವೂ ಈ ಅರಮನೆಯಲ್ಲಿದೆ. ಇವುಗಳಿಗಾಗಿ ಎಂದೇ 110 ಗ್ಯಾರೇಜುಗಳೂ ಇವೆ.. ದೊರೆಯ ಮಗಳ ಮದುವೆ ಗಾಗಿ ಕೇವಲ ಚಿನ್ನದಿಂದಲೇ ಮಾಡಲಾದ ರೋಲ್ಸ್ ರಾಯ್ ಕಾರನ್ನು ಬಳಸಲಾಗಿತ್ತು. ಖಾಸಗಿ ಮೃಗಾಲಯ ಮತ್ತು ಅನೇಕ ಸ್ವಿಮ್ಮಿಂಗ್ ಪೂಲ್ ಗಳು ಈ ಅರಮನೆಯಲ್ಲಿ ಇವೆ. ಬ್ರೂನೈಯನ್ನು ಈ ರಾಜ ಕಳೆದ 57 ವರ್ಷಗಳಿಂದ ಆಳುತ್ತಿದ್ದಾರೆ.
ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8088059494 ನಂಬರ್ ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/Jpfswu2K6fn62HOHSl5eth