ಪಾನ್ ಮಸಾಲ ಸಾಲ ನೀಡಲಿಲ್ಲ ಎಂದು ಅಂಗಡಿ ಮಾಲಿಕನ ಮಗನನ್ನು ಗುಂಡು ಹಾರಿಸಿ ಹತ್ಯೆ
17/02/2021
ಪಾಟ್ನಾ: ಪಾನ್ ಮಸಾಲ ಸಾಲ ನೀಡಲಿಲ್ಲ ಎಂದು ಅಂಗಡಿ ಮಾಲಿಕನ ಮಗನನ್ನು ಗುಂಡಿಟ್ಟು ಹತ್ಯೆ ಮಾಡಿರುವ ಘಟನೆ ಬಿಹಾರದ ಸುಪೌಲ್ ಜಿಲ್ಲೆಯಲ್ಲಿ ನಡೆದಿದ್ದು, ಕೇವಲ 2 ರೂ ಬೆಲೆಯ ಪಾನ್ ಮಸಾಲಕ್ಕಾಗಿ ವ್ಯಕ್ತಿಯ ಪ್ರಾಣವನ್ನೇ ತೆಗೆಯಲಾಗಿದೆ.
ತ್ರಿವೇಣಿ ಗಂಜ್ ನಲ್ಲಿ ಘಟನೆ ಸೋಮವಾರ ಸಂಜೆ ಈ ಘಟನೆ ನಡೆದಿದ್ದು, ಆರೋಪಿ ಅಜಿತ್ ಕುಮಾರ್ ಎಂಬಾತ ಕಿರಾಣಿ ಅಂಗಡಿ ಮಾಲಕ ನ ಪುತ್ರ ಮಿಥಿಲೇಶ್ ನನ್ನು ಗುಂಡಿಟ್ಟು ಹತ್ಯೆ ಮಾಡಿದ್ದಾನೆ.
ತನಗೆ ಸಾಲ ನೀಡಿಲ್ಲ ಎಂದು ಆರೋಪಿ ಅಜಿತ್ ಭಾನುವಾರ ಮಿಥಿಲೇಶ್ ನ ತಂದೆಯೊಂದಿಗೆ ಜಗಳವಾಡಿದ್ದ. ಮರುದಿನ ತನ್ನ ಸಹಚರರೊಂದಿಗೆ ಅಜಿತ್ ಬಂದಿದ್ದು, ಈ ವೇಳೆ ಮಿಥಿಲೇಶ್ ಅಂಗಡಿಯಲ್ಲಿದ್ದು, ಆತ ಕೂಡ ಸಾಲ ನೀಡಲು ನಿರಾಕರಿಸಿದ್ದಾನೆ. ೀ ವೇಳೇ ಅಜಿತ್ ಗುಂಡು ಹಾರಿಸಿ ಹತ್ಯೆ ಮಾಡಿದ್ದಾನೆ.
ಘಟನೆಯ ಬಳಿಕ ಆರೋಪಿಗಳು ತಲೆ ಮರೆಸಿಕೊಂಡಿದ್ದಾರೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿಗಳ ಬಂಧನಕ್ಕೆ ಬಲೆ ಬೀಸಿದ್ದಾರೆ.
