ಬೆಂಗಳೂರು: ಆಟೋ ಮತ್ತು ದ್ವಿಚಕ್ರ ವಾಹನಕ್ಕೆ ಡಿಕ್ಕಿ ಹೊಡೆದು ಪರಾರಿಯಾಗಿದ್ದ ಕಾರೊಂದರ  ಮಾಲಕರ ಹೆಸರು ಬಯಲಾಗಿದ್ದು,  ಬಾಲಿವುಟ್ ನಟಿ ಶಿಲ್ಪಿ ಶೆಟ್ಟಿ ಹಾಗೂ ಆಕೆಯ ಪತಿ ಉದ್ಯಮಿ ರಾಜ್ ಕುಂದ್ರಾಗೆ ಸೇರಿದ ಕಾರು ಇದಾಗಿದೆ.

 AUDI R8 ಹೆಸರಿನ ಐಶಾರಾಮಿ ಕಾರು ಅಜಾಗರೋಕತೆಯ ಜಾಲನೆಯ ಮೂಲಕ ಆಟೋ ಹಾಗೂ ದ್ವಿಚಕ್ರ ವಾಹನಕ್ಕೆ ಡಿಕ್ಕಿಯಾಗಿತ್ತು.  ಈ ಪ್ರಕರಣವನ್ನು ಬೆನ್ನು ಹತ್ತಿ ಹೋದಾಗ ಖ್ಯಾತ ನಟಿ ಹಾಗೂ ಆಕೆಯ ಪತಿಗೆ ಸೇರಿದ ಕಾರು ಇದಾಗಿದೆ ಎಂದು ಪೊಲೀಸರಿಗೆ ಮಾಹಿತಿ ಲಭಿಸಿದೆ.

ಕಾರು ಚಲಾಯಿಸಿದ್ದ ಚಾಲಕ ಮಹಮ್ಮದ್ ಸದ್ದಾಂ ಎಂದು ಗುರುತಿಸಲಾಗಿದ್ದು, ಈತನನ್ನು ಪೊಲೀಸರು ಬಂಧಿಸಿದ್ದಾರೆ. ಕಾರಿನ ಆರ್ ಟಿಒ ದಾಖಲೆಗಳನ್ನು ಗಮನಿಸಿದಾಗ ಕಾರು ಶಿಲ್ಪಾ ಹಾಗೂ ಆಕೆಯ ಪತಿಗೆ ಸೇರಿದ್ದಾಗಿದೆ ಎನ್ನುವುದು ತಿಳಿದು ಬಂದಿತ್ತು. ಈ ಸಂಬಂಧ ವಿಚಾರಣೆ ನಡೆಸಿದಾಗ, ಈ ಕಾರನ್ನು ಮಾರಾಟ ಮಾಡಲಾಗಿತ್ತು ಎನ್ನುವುದು ತಿಳಿದು ಬಂದಿದೆ.

ಮಾಹಿತಿಯ ಪ್ರಕಾರ, 2 ತಿಂಗಳ ಹಿಂದೆ ಮುಂಬೈ ಕಾರು ಡೀಲರ್ ಗಳ ಮೂಲಕ ಬೆಂಗಳೂರು ಮೂಲದ ಕಾರು ಡೀಲರ್ ಗೆ ಶಿಲ್ಪಾ ಪತಿ ರಾಜ್ ಕುಂದ್ರಾ ಕಾರು ಮಾರಾಟ ಮಾಡಿದ್ದರು. ಆದರೆ ಇನ್ನೂ ಕೂಡ ಹೊಸ ಖರೀದಿದಾರನ ಹೆಸರಿಗೆ ದಾಖಲೆಗಳು ವರ್ಗಾವಣೆಯಾಗಿಲ್ಲ. ಈ ನಡುವೆ ಈ ಅಪಘಾತ ಸಂಭವಿಸಿದ್ದು,  ಈ ವೇಳೆ ಕಾರಿನ ದಾಖಲೆಗಳನ್ನು ಆರ್ ಟಿವೊ ಮೂಲಕ ಪರಿಶೀಲಿಸಿದಾಗ ರಾಜ್ ಕುಂದ್ರಾ ಹೆಸರಿನಲ್ಲಿ ಈ ಕಾರು ಇರುವುದು ತಿಳಿದು ಬಂದಿತ್ತು.

ಇದಾದ ಬಳಿಕ ಸಿಸಿ ಟಿವಿ ದೃಶ್ಯಗಳನ್ನು ಗಮನಿಸಿದ ಪೊಲೀಸರು ಆರೋಪಿ ಮಹಮ್ಮದ್ ನನ್ನು ಬಂಧಿಸಿದ್ದಾರೆ. ಈತ ಬಿಟಿಎಂ 2ನೇ ಹಂತದ ನಿವಾಸಿ ಎಂದು ತಿಳಿದು ಬಂದಿದೆ. ಈತನ ವಿರುದ್ಧ ಇದಕ್ಕೂ ಮೊದಲು ಕಬ್ಬನ್ ಪಾರ್ಕ್ ಸಂಚಾರಿ ಠಾಣೆಯಲ್ಲಿ ಕೂಡ ಪ್ರಕರಣವೊಂದು ದಾಖಲಾಗಿತ್ತು ಎಂದು ತಿಳಿದು ಬಂದಿದೆ.