ಕಳಪೆ ಗುಣಮಟ್ಟದ ನಿರ್ಮಾಣದಿಂದಾಗಿ ಸಿಕ್ಕಿಂನ ಚುಂಗ್ಥಾಂಗ್ ಅಣೆಕಟ್ಟು ಕೊಚ್ಚಿಹೋಗಿದೆ: ಸಿಕ್ಕಿಂ ಮುಖ್ಯಮಂತ್ರಿ ಹೇಳಿಕೆ
![](https://www.mahanayaka.in/wp-content/uploads/2023/10/8063f1f589a78e96bbc7730b30fa7c00c70984220a1945bdd4505b29f670cf96.0.jpg)
ಸಿಕ್ಕಿಂನ ಚುಂಗ್ಥಾಂಗ್ ಅಣೆಕಟ್ಟು ಕಳಪೆ ಗುಣಮಟ್ಟದ ನಿರ್ಮಾಣದಿಂದಾಗಿ ಕೊಚ್ಚಿಹೋಗಿದೆ ಎಂದು ಮುಖ್ಯಮಂತ್ರಿ ಪ್ರೇಮ್ ಸಿಂಗ್ ತಮಾಂಗ್ ಹೇಳಿದ್ದಾರೆ. ಲೊನಾಕ್ ಸರೋವರದಲ್ಲಿ ಮೇಘಸ್ಫೋಟದಿಂದ ಉಂಟಾದ ತೀಸ್ತಾ ನದಿಯಲ್ಲಿನ ಹಠಾತ್ ಪ್ರವಾಹವು ಭಾರಿ ಪ್ರಮಾಣದ ನೀರಿನ ಸಂಗ್ರಹಕ್ಕೆ ಕಾರಣವಾಯಿತು. ಇದು ಚುಂಗ್ಥಾಂಗ್ ಅಣೆಕಟ್ಟಿನ ಕಡೆಗೆ ತಿರುಗಿತು. ಪ್ರವಾಹದಿಂದ ವಿದ್ಯುತ್ ಮೂಲಸೌಕರ್ಯ ನಾಶವಾಯಿತು. ಪಟ್ಟಣಗಳು ಮತ್ತು ಹಳ್ಳಿಗಳು ಮುಳುಗಡೆಯಾದವು.
‘ಅಣೆಕಟ್ಟಿನ ನಿರ್ಮಾಣವನ್ನು ಸರಿಯಾದ ರೀತಿಯಲ್ಲಿ ಮಾಡದ ಕಾರಣ ಅದು ಕೊಚ್ಚಿಹೋಗಿದೆ’ ಎಂದು ಸಿಕ್ಕಿಂ ಸಿಎಂ ತಿಳಿಸಿದ್ದಾರೆ. ರಾಜ್ಯದ ಉತ್ತರ ಭಾಗಕ್ಕೆ ಸಂಪರ್ಕವನ್ನು ಸಂಪೂರ್ಣವಾಗಿ ಕಡಿತಗೊಳಿಸಲಾಗಿದೆ ಎಂದು ಸಿಕ್ಕಿಂ ಮುಖ್ಯಮಂತ್ರಿ ಹೇಳಿದರು.
ಪ್ರವಾಹವು ರಾಜ್ಯದಲ್ಲಿ 13 ಸೇತುವೆಗಳು ನಾಶವಾಗಿದೆ. ಮಂಗನ್ ಜಿಲ್ಲೆಯೊಂದರಲ್ಲೇ ಎಂಟು ಸೇತುವೆಗಳು ಕೊಚ್ಚಿಹೋಗಿವೆ. ಗ್ಯಾಂಗ್ಟಾಕ್ನಲ್ಲಿ ಮೂರು ಮತ್ತು ನಾಮ್ಚಿಯಲ್ಲಿ ಎರಡು ಸೇತುವೆಗಳು ನಾಶವಾಗಿವೆ.
ಈ ಮಧ್ಯೆ ಸಿಕ್ಕಿಂ ಪ್ರವಾಹದಲ್ಲಿ ಸಾವನ್ನಪ್ಪಿದವರ ಸಂಖ್ಯೆ ಶುಕ್ರವಾರ 21 ಕ್ಕೆ ಏರಿದೆ. ಬುರ್ಡಾಂಗ್ ಪ್ರದೇಶದಿಂದ ಕಾಣೆಯಾದ 23 ಸೇನಾ ಸಿಬ್ಬಂದಿಗಳಲ್ಲಿ, ಏಳು ಜನರ ಶವಗಳನ್ನು ಕೆಳಭಾಗದ ವಿವಿಧ ಪ್ರದೇಶಗಳಿಂದ ಪತ್ತೆ ಹಚ್ಚಲಾಗಿದೆ. ಓರ್ವನನ್ನು ರಕ್ಷಿಸಲಾಗಿದೆ. ಕಾಣೆಯಾದ 15 ಜವಾನರಿಗಾಗಿ ಶೋಧ ನಡೆಯುತ್ತಿದೆ ಎಂದು ಮುಖ್ಯಮಂತ್ರಿ ಹೇಳಿದರು.
ಇಲ್ಲಿಯವರೆಗೆ, 2,411 ಜನರನ್ನು ಸ್ಥಳಾಂತರಿಸಿ ಪರಿಹಾರ ಶಿಬಿರಗಳಲ್ಲಿ ಇರಿಸಲಾಗಿದೆ. ವಿಪತ್ತು 22,000 ಕ್ಕೂ ಹೆಚ್ಚು ಜನರ ಮೇಲೆ ಪರಿಣಾಮ ಬೀರಿದೆ ಎಂದು ಸಿಕ್ಕಿಂ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ (ಎಸ್ಎಸ್ಡಿಎಂಎ) ತನ್ನ ಇತ್ತೀಚಿನ ಬುಲೆಟಿನ್ ನಲ್ಲಿ ತಿಳಿಸಿದೆ.
ಚುಂಗ್ಥಾಂಗ್ ಪಟ್ಟಣವು ಪ್ರವಾಹದಿಂದ ಹೆಚ್ಚಿನ ಹಾನಿಯನ್ನು ಅನುಭವಿಸಿದೆ. ಅಂದ್ರೆ ಶೇಕಡಾ 80 ರಷ್ಟು ತೀವ್ರವಾಗಿ ಬಾಧಿತವಾಗಿದೆ. ರಾಜ್ಯದ ಜೀವನಾಡಿ ಎಂದು ಪರಿಗಣಿಸಲಾದ ಎನ್ಎಚ್ -10 ಹಲವಾರು ಸ್ಥಳಗಳಲ್ಲಿ ವ್ಯಾಪಕ ಹಾನಿಗೊಳಗಾಗಿದೆ.