ಉಡುಪಿ:  ಪೆಟ್ರೋಲ್, ಡೀಸೆಲ್ ದರ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದ್ದಂತೆಯೇ ವಿವಿಧ ಪಂದ್ಯಾಟಗಳಲ್ಲಿ ಇದೀಗ ಪೆಟ್ರೋಲ್, ಡೀಸೆಲ್ ಗಳನ್ನೇ ಬಹುಮಾನವಾಗಿ ಘೋಷಿಸಲಾಗುತ್ತಿದೆ.  ಇದೇ ಸಂದರ್ಭದಲ್ಲಿ  ಉಡುಪಿ ಜಿಲ್ಲೆಯಲ್ಲಿ ವಿಶೇಷ ಲಕ್ಕಿಡಿಪ್ ವೊಂದು ಸದ್ದು ಮಾಡಿದೆ.

ಫ್ರೆಂಡ್ಸ್ ಎಂಜಿಎಂ ತಂಡ ಕ್ರಿಕೆಟ್ ಪಂದ್ಯಾಟವನ್ನು ಏಪ್ರಿಲ್ 4ರಂದು ಈ ಪಂದ್ಯಾಟ ನಡೆಯಲಿದೆ. ಈ ಕ್ರಿಕೆಟ್ ಪಂದ್ಯಾಟದ ಖರ್ಚು ವೆಚ್ಚಗಳನ್ನು ಸುಧಾರಿಸಲು ಅನುಕೂಲವಾಗಲಿ ಎಂದು ಕ್ರಿಕೆಟ್ ತಂಡ ವಿಶೇಷ ಲಕ್ಕಿಡಿಪ್ ಮಾಡಿದೆ.

ಈ ಲಕ್ಕಿಡಿಪ್ ನ ಬೆಲೆ ಕೇವಲ 15 ರೂಪಾಯಿಗಳು. ಈ ಲಕ್ಕಿಡಿಪ್ ನಲ್ಲಿ ಗೆದ್ದವರಿಗೆ ಪ್ರಥಮ ಬಹುಮಾನವಾಗಿ  10 ಲೀ. ಪೆಟ್ರೋಲ್, ದ್ವಿತೀಯ ಬಹುಮಾನ ಪಡೆದವರಿಗೆ  5 ಲೀ. ಡೀಸೆಲ್ ಹಾಗೂ ತೃತೀಯ ಬಹುಮಾನವಾಗಿ 3 ಲೀ. ಗ್ಯಾಸ್ ಬಹುಮಾನವಾಗಿ ಘೋಷಿಸಲಾಗಿದೆ. ಈ ಲಕ್ಕಿ ಡಿಪ್ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.