ತೆಲಂಗಾಣ ರಾಜ್ಯಪಾಲ ತಮಿಳಿಸೈ ಸೌಂದರರಾಜನ್ ಅವರು ಸನಾತನ ಧರ್ಮದ ಬಗ್ಗೆ ತಮಿಳುನಾಡಿನ ಆಡಳಿತ ಪಕ್ಷ ದ್ರಾವಿಡ ಮುನ್ನೇತ್ರ ಕಳಗಂ (ಡಿಎಂಕೆ) ನಿಲುವನ್ನು ತರಾಟೆಗೆ ತೆಗೆದುಕೊಂಡಿದ್ದು, ಅವರು ಈ ಪರಿಕಲ್ಪನೆಯನ್ನು ಅರ್ಥಮಾಡಿಕೊಳ್ಳುವುದಿಲ್ಲ. ಇದು ಶಾಶ್ವತ ನಂಬಿಕೆಯಾಗಿದೆ ಎಂದು ಹೇಳಿದ್ದಾರೆ.

“ಅವರಿಗೆ ಸನಾತನ ಎಂದರೇನು ಎಂದು ತಿಳಿದಿಲ್ಲ. ಅದನ್ನು ಸ್ವೀಕರಿಸಲು ಬಯಸುವುದಿಲ್ಲ. ಅವರು ರಾವಣ ದಿನವನ್ನು ಆಚರಿಸುತ್ತಾರೆ. ವಿಭಜನೆಯು ಕೆಲಸದ ಪ್ರಕಾರ ಇದೆ. ಇದು ದೊಡ್ಡ ಚರ್ಚೆಯಾಗಿದೆ. ಅವರು ಸನಾತನವನ್ನು ಜಾತಿ ವ್ಯವಸ್ಥೆ ಎಂದು ಮಾತ್ರ ಪರಿಗಣಿಸುತ್ತಾರೆ, ಆದರೆ ಅದು ಜೀವನ ವಿಧಾನ ಮತ್ತು ಶಾಶ್ವತ ನಂಬಿಕೆಯಾಗಿದೆ ” ಎಂದು ಸೌಂದರರಾಜನ್ ಹೇಳಿದ್ದಾರೆ.

ಅಲ್ಲದೇ ರಾಜಕೀಯ ಕಾರಣಗಳಿಗಾಗಿ ಡಿಎಂಕೆ ಸನಾತನವನ್ನು ವಿರೋಧಿಸುತ್ತಿದೆ ಎಂದು ರಾಜ್ಯಪಾಲರು ಆರೋಪಿಸಿದರು. “ಅವರು ಅದನ್ನು ಅರ್ಥಮಾಡಿಕೊಳ್ಳುತ್ತಾರೆ. ಆದರೆ ಅದನ್ನು ಸರಿಯಾಗಿ ಪ್ರಚಾರ ಮಾಡಿದ್ರೆ ಅವರು ಮತಗಳನ್ನು ನಗದೀಕರಿಸಲು ಸಾಧ್ಯವಾಗುವುದಿಲ್ಲ. ಇದು ಕೇವಲ ರಾಜಕೀಯ ಕಾರಣಗಳಿಗಾಗಿ” ಎಂದು ಅವರು ಹೇಳಿದರು.

ನಾನು ನಿಷ್ಠುರವಾಗಿರಲು ಬಯಸುವುದಿಲ್ಲ. ಆದರೆ ಅವರ ಕುಟುಂಬ ಸದಸ್ಯರು ಅದನ್ನು ಅನುಸರಿಸುತ್ತಿರುವಾಗ ಅವರು ಸನಾತನವನ್ನು ವಿರೋಧಿಸುತ್ತಾರೆ. ಅದೇ ಮುಖ್ಯಮಂತ್ರಿ ತಮ್ಮ ಕುಟುಂಬ ಸದಸ್ಯರಿಗೆ ದೇವಾಲಯಗಳಿಗೆ ಹೋಗುವ ಹಕ್ಕಿದೆ ಎಂದು ಹೇಳುತ್ತಾರೆ” ಎಂದು ಸೌಂದರರಾಜನ್ ಇಂಡಿಯಾ ಟುಡೇಗೆ ನೀಡಿದ ಸಂದರ್ಶನದಲ್ಲಿ ಹೇಳಿದರು.
“ಹಿಂದೂ ಧರ್ಮದ ಉದಾತ್ತತೆ ಮತ್ತು ಆಧ್ಯಾತ್ಮಿಕತೆ ಹರಡುವುದನ್ನು ಬಯಸದ ಜನರು ಪೆರಿಯರಿಸಂ ಅನ್ನು ಅನುಸರಿಸಿದರು. ಇದು ನಿಷ್ಠುರ ರಾಜಕೀಯವಲ್ಲದೆ ಬೇರೇನೂ ಅಲ್ಲ” ಎಂದು ಕಿಡಿಕಾರಿದ್ದಾರೆ.