ಕದ್ದ ಹಣವನ್ನು ಹಿಂದಿರುಗಿಸಲು ಭಾರತೀಯ ಮೂಲದ ವಂಚಕನಿಗೆ ಯುಕೆ ಕೋರ್ಟ್ ಆದೇಶ
ಕದ್ದ ಹಣವನ್ನು ಮರುಪಾವತಿಸಲು ತನ್ನ ಉದ್ಯೋಗದಾತರಿಗೆ ಸಾವಿರಾರು ಪೌಂಡ್ ಗಳನ್ನು ವಂಚಿಸಿದ ಭಾರತೀಯ ಮೂಲದ ವಂಚಕನಿಗೆ ಯುಕೆ ನ್ಯಾಯಾಲಯವು ಜಿಬಿಪಿ 78,000 ಅನ್ನು ಹಿಂದಿರುಗಿಸಲು ಆದೇಶಿಸಿದೆ. ವೇಲ್ಸ್‌ನ ಪೆನಾರ್ತ್ ನ 48 ವರ್ಷದ ಮಯೂರ್ ಗಗ್ಲಾನಿ ಅವರು ಮೊದಲ ಕಂಪನಿಯಿಂದ ಸುಮಾರು 250,000 ಜಿಬಿಪಿ ಕದ್ದಿದ್ದಾರೆ ಎಂದು ನಂಬಲಾಗಿದೆ ಎಂದು ‘ವೇಲ್ಸ್ ಆನ್ ಲೈನ್’ ಕಳೆದ ವಾರ ವರದಿ ಮಾಡಿದೆ.
ಮೊದಲ ಕಂಪನಿಯಿಂದ ಕದ್ದ ಹಣವನ್ನು ಪಾವತಿಸುವ ಸಲುವಾಗಿ ವಿದ್ಯುತ್ ವಸ್ತುಗಳನ್ನು ಮಾರಾಟ ಮಾಡುವ ಸಣ್ಣ ಕಂಪನಿಯಲ್ಲಿ ಹೊಸ ಕೆಲಸವನ್ನು ಮಾಡತೊಡಗಿದರು. ಆ ಉದ್ದೇಶಕ್ಕಾಗಿ ಸುಳ್ಳು ಇನ್ವಾಯ್ಸ್ಗಳು ಮತ್ತು ಕಂಪನಿಯ ಕ್ರೆಡಿಟ್ ಕಾರ್ಡ್ ಅನ್ನು ಬಳಸಿದ ಆರೋಪ ಇವರ ಮೇಲಿದೆ.
ಗಗ್ಲಾನಿ ಅವರ ಆರ್ಥಿಕ ವ್ಯವಹಾರಗಳ ತನಿಖೆ ವೇಳೆ ಇವರು ರಜೆಯಲ್ಲಿದ್ದಾಗ ಕಂಪನಿಯ 5,000 ಜಿಬಿಪಿ ಹಣವನ್ನು ಖರ್ಚು ಮಾಡಿದ್ದಾರೆ ಎಂದು ತಿಳಿದುಬಂದಿದೆ. ಇವರನ್ನು ಬಂಧಿಸಿದ ಪೊಲೀಸರು ವಿಚಾರಣೆ ನಡೆಸಿದ ವೇಳೆ ಅವರು ವಂಚನೆಯ ಬಗ್ಗೆ ಒಪ್ಪಿಕೊಂಡಿದ್ದಾರೆ.
ವಿಚಾರಣೆಯಲ್ಲಿ ಕಳ್ಳತನ ಮಾಡಿ ಗಗ್ಲಾನಿ ಜಿಬಿಪಿ 78,033 ರಷ್ಟು ಲಾಭ ಪಡೆದಿದ್ದಾರೆ. ಅಲ್ಲದೇ ಜಿಬಿಪಿ 375,000 ಮೌಲ್ಯದ ಆಸ್ತಿಗಳನ್ನು ಹೊಂದಿದ್ದಾರೆ ಎಂದು ತಿಳಿದುಬಂದಿದೆ. ಹೀಗಾಗಿ ನ್ಯಾಯಾಧೀಶ ರೈಸ್ ರೋಲ್ಯಾಂಡ್ಸ್ ಅವರು ಆರೋಪಿಗೆ ಜಿಬಿಪಿ 78,033 ಮೊತ್ತವನ್ನು ಪಾವತಿಸಲು ಆದೇಶಿಸಿದ್ದಾರೆ.
