ನವದೆಹಲಿ: ಫೆ.14ರ ಪ್ರೇಮಿಗಳ ದಿನದಂದು ಟಾಟಾ ಕಂಪೆನಿಯು ರಸಪ್ರಶ್ನೆ ಸ್ಪರ್ಧೆಯನ್ನು ಹಮ್ಮಿಕೊಂಡಿದೆ ಎಂಬ ಸಂದೇಶವೊಂದು ಕಳೆದ ಕೆಲವು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಆದರೆ ಇದರ ಸತ್ಯಾಂಶ ಇದೀಗ ಬಯಲಾಗಿದೆ.

ಟಾಟಾದ ವೆಬ್ ಸೈಟ್ ನಂತೆ ಕಂಡು ಬರುವ ಲಿಂಕ್ ನಲ್ಲಿ “ ಈ ಪ್ರಶ್ನೆಗೆ ಉತ್ತರಿಸಿ, ಪ್ರೇಮಿಗಳ ದಿನದ ಉಡುಗೊರೆಯನ್ನು ಪಡೆಯಿರಿ. ಈ ರಸಪ್ರಶ್ನೆಯಲ್ಲಿ ಭಾಗವಹಿಸಿ ಮೊಬೈಲ್ ಫೋನ್ ಗೆಲ್ಲಿ,  ನನ್ನ ಸ್ನೇಹಿತ ಈಗಾಗಲೇ ಈ ಬಹುಮಾನ ಪಡೆದಿದ್ದಾನೆ. ಬನ್ನಿ ಉಡುಗೊರೆ ಪಡೆಯಿರಿ” ಎಂದು ಸಂದೇಶ ನೀಡಲಾಗಿದೆ.

ಈ ಲಿಂಕ್ ಗೆ ಕ್ಲಿಕ್ ಮಾಡಿದ ಬಳಿಕ ಹಲವು ಪ್ರಶ್ನೆಗಳಿಗೆ ವೆಬ್ ಸೈಟ್ ಉತ್ತರ ಕೇಳುತ್ತದೆ. ಕೊನೆಗೆ ಗಿಫ್ಟ್ ಪಡೆಯಬೇಕಾದರೆ, ವಾಟ್ಸಾಪ್ ನಲ್ಲಿ ನಿಮ್ಮ 5 ಗ್ರೂಪ್ ಗಳು ಅಥವಾ 20 ಸ್ನೇಹಿತರೊಂದಿಗೆ ಹಂಚಿಕೊಳ್ಳಲು ಹೇಳುತ್ತದೆ. ನೀವು ಹಂಚಿಕೊಂಡ ತಕ್ಷಣವೇ ಮತ್ತಷ್ಟು ಜನರು ಈ ಚಟುವಟಿಕೆಯಲ್ಲಿ ತೊಡಗಿಕೊಳ್ಳುತ್ತಾರೆ. ಹೀಗಾಗಿ ಈ ಲಿಂಕ್ ವ್ಯಾಪಕವಾಗಿ ವಾಟ್ಸಾಪ್ ಗಳಲ್ಲಿ ವೈರಲ್ ಆಗುತ್ತದೆ.

ವಾಸ್ತವವಾಗಿ ಇದು ಟಾಟಾ ಗ್ರೂಪ್ ನವರ ಯಾವುದೇ ಸ್ಪರ್ಧೆ ಅಲ್ಲ. ಈ ಬಗ್ಗೆ ಟಾಟಾ ಗ್ರೂಪ್ ನವರು ಕೂಡ ಇದಕ್ಕೆ ಸ್ಷಷ್ಟಣೆ ನೀಡಿ ವಿಡಿಯೋವೊಂದನ್ನು ಟ್ವೀಟ್ ಮಾಡಿದ್ದಾರೆ. ಈ ಲಿಂಕ್ ಗಳನ್ನು ನಾವು ನೀಡಿಲ್ಲ. ಇದರ ವಿರುದ್ಧ ಜಾಗಕರೋಕರಾಗಿ, ಯಾವುದೇ ಲಿಂಕ್ ಗಳನ್ನು ಕ್ಲಿಕ್ ಮಾಡುವಾಗ ಅದರ ಮೂಲಗಳನ್ನು ಪರಿಶೀಲನೆ ಮಾಡಿಕೊಳ್ಳಿ ಎಂದು ಸಲಹೆ ನೀಡಿದೆ.

These claims and links haven't been issued by us. Be careful and always check the sources. pic.twitter.com/LzCQSOFF4M

— Tata Group (@TataCompanies) February 2, 2021