ಬಿಹಾರದ ಭಾಗಲ್ಪುರ ಜಿಲ್ಲೆಯ ಸರ್ಕಾರಿ ಶಾಲೆಯೊಂದರಲ್ಲಿ ದೈಹಿಕ ಶಿಕ್ಷಣ ಶಿಕ್ಷಕರಾಗಿರುವ ಅಮಿತ್ ಸಿನ್ಹಾ ಅವರು ತಿಂಗಳಿಗೆ 8,000 ರೂ.ಗಳ ಸಂಬಳದೊಂದಿಗೆ ಜೀವನ ಸಾಗಿಸಲು ಕಷ್ಟಪಡುತ್ತಿದ್ದಾರೆ. ತನ್ನ ಕುಟುಂಬವನ್ನು ಸಾಕಲು, 35 ವರ್ಷದ ಈ ಶಿಕ್ಷಕ ಶಾಲೆಯಲ್ಲಿ ತಮ್ಮ ಕರ್ತವ್ಯವನ್ನು ಮುಗಿಸಿದ ನಂತರ ಪ್ರತಿ ರಾತ್ರಿ ಝೊಮ್ಯಾಟೊ ಡೆಲಿವರಿ ಎಕ್ಸಿಕ್ಯೂಟಿವ್ ಆಗಿ ಕೆಲಸ ಮಾಡುತ್ತಾರೆ.

Provided by

ಬಾಬುಪುರ್ ಮಿಡಲ್ ಸ್ಕೂಲ್ ನಲ್ಲಿ ಪ್ರತಿದಿನ ಸಂಜೆ 5 ಗಂಟೆಗೆ ತನ್ನ ಶಿಫ್ಟ್ ಮುಗಿಸಿದ ನಂತರ, ಅವರು ತಕ್ಷಣ ಮಧ್ಯರಾತ್ರಿಯವರೆಗೆ ಡೆಲಿವರಿ ಎಕ್ಸಿಕ್ಯೂಟಿವ್ ಆಗಿ ಕೆಲಸ ಮಾಡಲು ಪ್ರಾರಂಭಿಸುತ್ತಾರೆ.

ಇಂಡಿಯಾ ಟುಡೇ ಜೊತೆ ಮಾತನಾಡಿದ ಸಿನ್ಹಾ, ಸುಮಾರು ನಾಲ್ಕು ವರ್ಷಗಳ ಕಾಯುವಿಕೆಯ ನಂತರ 2022 ರಲ್ಲಿ ಸರ್ಕಾರಿ ಉದ್ಯೋಗವನ್ನು ಪಡೆದುಕೊಂಡಿದ್ದೇನೆ ಎಂದು ಹೇಳಿದರು. ಅವರು ಮದುವೆಯಾದಾಗಲೂ ಇದೇ ಆಗಿತ್ತು ಎಂದಿದ್ದಾರೆ.

Provided by

‘ನನ್ನ ಕುಟುಂಬ ತುಂಬಾ ಸಂತೋಷವಾಗಿತ್ತು. ನಾವು 2019 ರಲ್ಲಿ ಶಿಕ್ಷಕ ಹುದ್ದೆಯ ಪರೀಕ್ಷೆಗೆ ಕುಳಿತಿದ್ದೆ‌. ಆದ್ರೆ ಫಲಿತಾಂಶಗಳು ಫೆಬ್ರವರಿ 2020 ರಲ್ಲಿ ಬಂತು. ನಾನು 100 ಕ್ಕೆ 74 ಅಂಕಗಳನ್ನು ಪಡೆದಿದ್ದೇನೆ. ಈ ಹಿಂದೆ, ನಾನು ಖಾಸಗಿ ಶಾಲೆಯಲ್ಲಿ ಕೆಲಸ ಮಾಡುತ್ತಿದ್ದೆ, ಆದರೆ ಕೋವಿಡ್ -19 ಸಾಂಕ್ರಾಮಿಕ ರೋಗದಿಂದಾಗಿ, ನಾನು ನನ್ನ ಕೆಲಸವನ್ನು ಕಳೆದುಕೊಂಡೆ” ಎಂದು ಅವರು ವಿಷಾದಿಸಿದರು.
“ಅಂತಿಮವಾಗಿ, 2022 ರಲ್ಲಿ, ನನಗೆ ಸರ್ಕಾರಿ ಶಾಲೆಯಲ್ಲಿ ಕೆಲಸ ಸಿಕ್ಕಿತು. ಆದರೆ ನನ್ನ ಸಂಬಳ ಕೇವಲ 8,000 ರೂಪಾಯಿ ಎಂದರು.
ತಮ್ಮ ತರಬೇತಿಯ ಪರಿಣಾಮವಾಗಿ ಶಾಲಾ ಮಕ್ಕಳು ಕ್ರೀಡಾ ಕಾರ್ಯಕ್ರಮಗಳಲ್ಲಿ ಪದಕಗಳು ಮತ್ತು ಪ್ರಶಂಸೆಗಳನ್ನು ಗೆದ್ದಿದ್ದರೂ, ಕಡಿಮೆ ಇರುವ ವೇತನವನ್ನು ಹೆಚ್ಚಿಸಲು ಅಧಿಕಾರಿಗಳು ಯಾವುದೇ ಕ್ರಮಗಳನ್ನು ಕೈಗೊಂಡಿಲ್ಲ, ಅವರು ಯಾವುದೇ ಅರ್ಹತಾ ಪರೀಕ್ಷೆಗಳನ್ನು ನಡೆಸಿಲ್ಲ ಎಂದು ಸಿನ್ಹಾ ಹೇಳಿದರು.

“ಮಾಜಿ ಶಿಕ್ಷಕರಿಗೆ 42,000 ರೂ.ಗಳವರೆಗೆ ವೇತನವನ್ನು ನೀಡಲಾಗುತ್ತಿತ್ತು, ಆದರೆ ನಮಗೆ ಕೇವಲ 8,000 ರೂ. ಫೆಬ್ರವರಿಯಿಂದ ಮೇ ವರೆಗೆ ನಮಗೆ ಸಂಬಳವೂ ಸಿಗಲಿಲ್ಲ. ನನ್ನ ಆರ್ಥಿಕ ಪರಿಸ್ಥಿತಿಗಳು ತುಂಬಾ ಕಷ್ಟಕರವಾಗಿದ್ದವು, ನಾನು ಸ್ನೇಹಿತರಿಂದ ಸಾಲ ತೆಗೆದುಕೊಳ್ಳಬೇಕಾಯಿತು ಆದರೆ ಬಾಕಿಯನ್ನು ಹಿಂದಿರುಗಿಸಲು ಸಾಧ್ಯವಾಗಲಿಲ್ಲ” ಎಂದು ಅವರು ಹೇಳಿದ್ದಾರೆ.

ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 9686399493 ನಂಬರ್ ಸೇರಿಸಿ.

ಗ್ರೂಪ್ ಗೆ ಜಾಯಿನ್ ಆಗಿ:
https://chat.whatsapp.com/BHOOdLNNvmD17cBJslQgwj