ಪ್ರೀತಿ ಮತ್ತು ಯುದ್ಧ ಎಂಬಂತಹ ವಿಚಾರದಲ್ಲಿ ಅನೇಕ ಚರ್ಚೆಗಳು ನಡೆದಿದೆ. ರಷ್ಯಾದೊಂದಿಗಿನ ಯುದ್ಧದ ಮಧ್ಯೆ, ಉಕ್ರೇನ್ ನ ಎಲ್ಲಾ ಅರ್ಹ ಪುರುಷರು ಮಿಲಿಟರಿ ಸೇವೆಯಿಂದ ತಪ್ಪಿಸಿಕೊಳ್ಳುತ್ತಿದ್ದಾರೆಯೇ ಎಂದು ಪರಿಶೀಲಿಸಲು ಉಕ್ರೇನಿಯನ್ ಅಧಿಕಾರಿಗಳು ಮದುವೆಗಳು, ಬಾರ್ ಗಳು, ನೈಟ್ ಕ್ಲಬ್ ಗಳು, ಸಂಗೀತ ಕಚೇರಿಗಳು ಮತ್ತು ಮಾರುಕಟ್ಟೆಗಳ ಮೇಲೆ ದಾಳಿ ನಡೆಸುತ್ತಿದ್ದಾರೆ. ಪ್ರೀತಿಯಲ್ಲಿ ಬಿದ್ದು, ಮದುವೆಯಾಗಲು ಮತ್ತು ತಮ್ಮ ಪ್ರೀತಿಪಾತ್ರರೊಂದಿಗೆ ಉಳಿಯಲು ಮಿಲಿಟರಿ ಸೇವೆಯನ್ನು ಬಿಟ್ಟುಬಿಡಲು ಪ್ರಯತ್ನಿಸುತ್ತಿದ್ದಾರೆ.
ಆದರೆ ಈ ಪ್ರೀತಿ ಮತ್ತು ಯುದ್ಧದಲ್ಲಿ, ನಿರಂತರ ಭಯವೂ ಇರುತ್ತದೆ.

ಉಕ್ರೇನ್‌ನಲ್ಲಿ ಅನೇಕ ಪುರುಷರು ನಿರಂತರ ಭೀತಿಯ ಸ್ಥಿತಿಯಲ್ಲಿ ವಾಸಿಸುತ್ತಿದ್ದಾರೆ. ಯಾಕೆಂದರೆ ಉಕ್ರೇನ್ ಮಿಲಿಟರಿ ನೇಮಕಾತಿಗೆ ಅರ್ಹವಾದ ವಯಸ್ಸನ್ನು 27 ರಿಂದ 25 ಕ್ಕೆ ಇಳಿಸಿತ್ತು. ಏಪ್ರಿಲ್‌ನಲ್ಲಿ ಮಿಲಿಟರಿ ನೇಮಕಾತಿಗೆ ವಿನಾಯಿತಿಗಳನ್ನು ತೆಗೆದುಹಾಕಿತು. ಕಡ್ಡಾಯ ನೇಮಕಾತಿಗೆ ಅರ್ಹರಾದ ಯಾರಾದರೂ ಆನ್ ಲೈನಲ್ಲಿ ನೋಂದಾಯಿಸಿಕೊಳ್ಳುವಂತೆ ಅದು ಕೇಳಿಕೊಂಡಿದೆ.

2022 ರಲ್ಲಿ ಪ್ರಾರಂಭವಾದ ರಷ್ಯಾ-ಉಕ್ರೇನ್ ಯುದ್ಧದ ಹಿನ್ನೆಲೆಯಲ್ಲಿ ಈ ಕಡ್ಡಾಯ ಸೈನಿಕರ ಅಗತ್ಯವು ಬರುತ್ತದೆ. ನಡೆಯುತ್ತಿರುವ ಯುದ್ಧವು 10,582 ಉಕ್ರೇನಿಯನ್ ನಾಗರಿಕರ ಸಾವಿಗೆ ಕಾರಣವಾಗಿದೆ ಮತ್ತು ಇನ್ನೂ ಅನೇಕರು ಗಾಯಗೊಂಡಿದ್ದಾರೆ. ಜನರ ಸಂಖ್ಯೆ ಕಡಿಮೆಯಾಗುವುದರೊಂದಿಗೆ, ಉಕ್ರೇನ್ ಪುರುಷರನ್ನು ನೇಮಿಸಿಕೊಳ್ಳಲು ಸಂಪೂರ್ಣ ಪ್ರಯತ್ನವನ್ನು ಮಾಡುತ್ತಿದೆ.

ಉಕ್ರೇನ್ನ ರಾಜಧಾನಿ ಕೀವ್ ನಲ್ಲಿ ಅನೇಕ ಕಡ್ಡಾಯ ಸೈನ್ಯಾಧಿಕಾರದ ದಾಳಿಗಳನ್ನು ನಡೆಸಲಾಗಿದ್ರೆ ವಿವಾಹದ ಆಚರಣೆಯು ಉಕ್ರೇನಿಯನ್ ಪಟ್ಟಣ ಎಲ್ವಿವ್ ನಲ್ಲಿತ್ತು.
ಈ ದಾಳಿಗಳನ್ನು ಏಪ್ರಿಲ್‌ನಲ್ಲಿ ಅಂಗೀಕರಿಸಿದ ಕಾನೂನಿನ ಹಿನ್ನೆಲೆಯಲ್ಲಿ ನೋಡಬೇಕು. ಇದರಲ್ಲಿ 25-60 ವಯಸ್ಸಿನ ಉಕ್ರೇನಿಯನ್ ಪುರುಷರು ಕಡ್ಡಾಯ ನೇಮಕಾತಿಗೆ ಅರ್ಜಿ ಸಲ್ಲಿಸಬಹುದು ಮತ್ತು 18-60 ವಯಸ್ಸಿನ ಪುರುಷರಿಗೆ ಉಕ್ರೇನ್ ತೊರೆಯಲು ಅನುಮತಿ ಇಲ್ಲ ಎಂದು ಅಸೋಸಿಯೇಟೆಡ್ ಪ್ರೆಸ್ ವರದಿ ಮಾಡಿದೆ.
ಮಿಲಿಟರಿ ಸೇವೆಗೆ ಅರ್ಹರಾದ ಯಾರಾದರೂ ತಮ್ಮ ಮಾಹಿತಿಯನ್ನು ಇಲ್ಲಿ ಆನ್‌ಲೈನಲ್ಲಿ ಸಲ್ಲಿಸಬೇಕು.